Messi va yana 4 futbolchi — «Amerika qiroli» sovriniga da’vogar

Lionel Messi «Amerika qiroli» mukofotiga nomzodlar qatorida.

Sovrin Urugvayning El Pais nashri tomonidan Amerika ligalaridagi yilning eng yaxshi futbolchisiga beriladi.

2024 yilgi sovrin uchun 5 nafar futbolchi da’vogarlik qilmoqda. Bular — Lionel Messi («Inter Mayami»), Luis Enrike, Tiago Almada va Jefferson Savarino (barchasi «Botafogo») hamda Leonardo Fernandes Lopes («Penyarol»).

G‘olib nomi bugun, 31 dekabr kuni e’lon qilinadi. Sovrinning amaldagi sohibi «Fluminense» hujumchisi Herman Kano hisoblanadi. Mukofotga faqat KONKAKAF va KONMEBOL davlatlari futbolchilari nomzod bo‘lishi mumkin.