Messi Argentina haqida: "Sharmanda bo‘lamiz"

Argentina terma jamoasi sardori Lionel Messi Amerika Kubogidagi ishtirok haqida gapirdi. Argentina guruh bosqichi ikkinchi turida Paragvay bilan durang o‘ynadi.

"Guruhdan chiqa olmasak, sharmanda bo‘lamiz. O‘yinni kuchaytirish yo‘llarini izlashga vaqt yo‘q. Ko‘rinib turibdi, jamoa hozirgi holatdan norozi. Ammo keyingi o‘yinda g‘alaba qozonishimizga ishonamiz. Guruhdan uchta jamoa keyingi bosqichga chiqadi, shuning uchun guruhda qolib ketamiz deb qo‘rqayotganim yo‘q", — dedi Messi.

Eslatib o‘tamiz, Argentina 23 iyun kuni Qatar bilan o‘ynaydi. Bu o‘yinda Messi va uning jamoadoshlarini faqat g‘alaba qanoatlantiradi. Aks holda Argentina guruhda qolib ketadi.