«PSJ» hujumchisi Kilian Mbappe «Real» bilan shartnoma imzolashga yaqin turibdi. Jurnalist Janluka Di Marsio xabar tarqatishicha, madridliklar yozda 23 yoshli futbolchi bilan shartnoma imzolashadi.
«Qirollik klubi» Mbappe bilan 5 yillik shartnoma borasida kelishuvga erishgan. Futbolchining bir yillik maoshi soliqlar chiqarib tashlanganidan so‘ng 25 million yevroni tashkil etadi (soliqlar bilan birga 50 million yevro).
Shuningdek, erkin agent sifatida "Santyago Bernabeu"ga o‘tayotgan futbolchiga 100 million yevro miqdorida bonus to‘lab berilishi ko‘zda tutiladi. Shu tariqa, Mbappe "Real" safida eng ko‘p maosh oladigan futbolchiga aylanadi.
Kilian joriy mavsumda "PSJ" safida barcha musobaqalar doirasida 44ta o‘yinda ishtirok etib, 36 gol va 21 uzatma muallifiga aylandi.
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
ECHL. Yarim final. "Bavariya" "Real" bilan jangovar durang qayd etdi
