Mbappe bosh maqsadini aytdi

Fransiya terma jamoasi hujumchisi Kilian Mbappe JCH-2022 oldiga qo‘ygan maqsadlari haqida gapirdi.

- "Oltin to‘p" orzusi sizga ushbu jahon chempionatida motivasiya beryaptimi?

- Rostini aytsam, yo‘q. Mening yagona maqsadim - jahon chempionatida g‘alaba qozonish. Bu mening orzuim, bu mening yagona orzuim. Shuning uchun men bu yerga keldim. Lekin, albatta, men «Oltin to‘p»ni olsam, xursand bo‘laman», - deya Mbappe so‘zlaridan iqtibos keltiradi Onze Mundial.

Joriy mavsumda 23 yoshli hujumchi "PSJ" safida 20 o‘yinda 19 ta gol urdi.

Qatarda bo‘lib o‘tayotgan JCH-2022 1/8 finalida Fransiya Polshani 3:1 hisobida mag‘lub etdi. Mbappe turnirdagi 5-golini urdi.