Makron “narsist” deb ataldimi?

Fransiya prezidenti Emmanuel Makronning sobiq ustozi va nufuzli siyosiy maslahatchisi Alen Mins uni “narsist” va “Beshinchi respublika tashkil etilganidan beri eng yomon prezident” deb atadi, deb yozadi Politico.

“Bir vaqtlar Alen Mins Makronni maqtab, uni Napoleon generallari bilan taqqoslagan edi. Ortidan sakkiz yil o‘tib, u Makronni 1958 yildan buyongi eng yomon prezident deb ataydi”, — deyiladi maqolada.

Minsning ta’kidlashicha, Makronning narsissizmi uni “fransuz institutlarini xavf ostiga qo‘yadigan va 2027 yilgi prezidentlik saylovlari oldidan o‘ta o‘ng kuchlarni mustahkamlaydigan” o‘ylamasdan qabul qilingan qarorlarga yetaklagan.

“Makron mamlakatni hokimiyatni qo‘lga olgan paytidagidan ham yomonroq holatda tark etmoqda. U Fransiyada uzoq yillar davomida barqarorlikni izdan chiqaradigan siyosiy manzarani qoldirmoqda. Bu kechirib bo‘lmaydi”, — deya xulosa qildi Alen Mins.