Luvr muzeyi ish tashlash tufayli to‘rtinchi marta tashrif buyuruvchilar uchun yopildi

Parijdagi Luvr muzeyi dushanba kuni dekabr oyining o‘rtalarida boshlangan ish sharoitlarining yomonlashuvi va resurslarning yetishmasligidan norozi bo‘lgan xodimlarning ish tashlashi tufayli to‘rtinchi marta tashrif buyuruvchilar uchun yopildi.

Bu haqda muzey matbuot xizmati bu haqda e’lon qildi.

"Ish tashlash tufayli Luvr muzeyi bugun favqulodda voqea sifatida yopildi", deyiladi bayonotda.

Eslatib o‘tamiz, ishchilarning norozilik namoyishlari 15 dekabrda boshlangan va o‘shandan beri Luvr tashrif buyuruvchilar uchun to‘rt marta yopilgan va yana bir necha marta qisman qayta ochilgan. Ish tashlash muzey o‘tgan yili duch kelgan bir qator muammolar fonida sodir bo‘ldi.

2025 yil noyabr oyida Luvr ichki tuzilmalari va suv quvurlarining yomon ahvoli tufayli bir qator baxsiz hodisalarga duch keldi. 2025 yil kuzida muzeyda ham shov-shuvli talonchilik sodir bo‘ldi. 19 oktyabr kuni o‘g‘rilar Luvrga bostirib kirib, fransuz malikalari va imperatrichalariga tegishli bo‘lgan tiaralar, sirg‘alar, marjonlarni va broshkalarni o‘g‘irlab ketishdi. O‘g‘irlikda gumon qilinib, bir necha kishi hibsga olindi, ulardan besh nafariga ayblov qo‘yildi. O‘g‘irlangan zargarlik buyumlari hali topilmadi.