Lukashenko bugun, juma kuni mahalliy faollar bilan ijtimoiy-siyosiy vaziyatning dolzarb masalalari bo‘yicha uchrashuv o‘tkazmoqda.
"Axborot maydonida tartib o‘rnatish bo‘yicha tizimli ish yakuniga yetmoqda. Bu yerda bir muhim narsani tushunish kerak: biz boshqacha fikrlaydiganlar yoki turli fikrlarga qarshi kurash olib bormayapmiz. Xudo asrasin. Agar turli fikrlarni kesib tashlayveradigan bo‘lsak - davlat tamom bo‘ladi. Shunchaki, bugun biz himoya qilib kelayotgan so‘z erkinligi ekstremistik faoliyat tusiga kirgan", - deya iqtibos keltiradi Lukashenko so‘zlaridan Belta davlat agentligi.
Prezident so‘zlariga ko‘ra, hokimiyatni tanqid qilish boshqa, sababi Minsk "hamisha tanqidni adekvat qabul qilgan". "Qonli to‘qnashuvlarga da’vat qilish va inqilobiy kayfiyatni qo‘llab-quvvatlamaydiganlarni bir yoqli qilish bilan qo‘rqitish esa mutlaqo boshqa masaladir. Ular soxtalashtirilgan ma’lumotlar, kiberhujumlar va shaxsiy ma’lumotlarni o‘g‘irlash orqali muhitni ziddiylashtirish bilan band", - degan Lukashenko.