Buyuk Britaniyaning eng yirik mudofaa kompaniyasi — BAE Systems ko‘p maqsadli Eurofighter Typhoon uchquchisiz janguvchi samolyotlarini ishlab chiqarishni vaqtincha to‘xtatdi. Bu qarorga yangi buyurtmalar yo‘qligi sabab bo‘lgan.
Hozirda Uorton shahridagi zavod Qatarga 2017 yili tuzilgan 5 milliard funt sterlinglik shartnoma doirasida oxirgi samolyotni yetkazib berishga tayyorgarlik ko‘rmoqda.
🗣 «Hanuzgacha birta uchquchisiz janguvchi samolyot angarda turibdi. U faqat to‘liq jihozlanishi va bo‘yalishi kerak. Asosiy yig‘uvchi liniya esa to‘xtatilgan — u yerda hech qanday ishchi yo‘q», — dedi kasaba uyushmasi vakili.
Buyuk Britaniya hukumati 2009 yildan beri Eurofighter Typhoon uchun yangi buyurtma bermagan, Saudiya Arabistoni, Qatar va Turkiya bilan yangi eksport shartnomalari esa hali kelishilmagan.
Agar yangi buyurtmalar bo‘lmasa, mamlakat GCAP (yangi avlod janguvchi samolyotlari yaratish dasturi)da qatnashish uchun zarur bo‘lgan industrial salohiyat va mutaxassislik ko‘nikmalarini yo‘qotish xavfiga duch keladi.
Mudofaa vaziri Jon Gili hozircha mavjud Typhoon samolyotlarini modernizasiya qilish uchun yangi buyurtma berilishini tasdiqlamagan.
Eurofighter Typhoon samolyotlari BAE Systems, Airbus va Leonardo konsorsiumi tomonidan ishlab chiqariladi. Bu konsorsiumda faqat Buyuk Britaniya eng so‘nggi model uchun buyurtma bermagan yagona davlat sanaladi.
Shu bilan birga, Buyuk Britaniya 2030 yilgacha yana 27 ta F-35 janguvchi samolyotini xarid qilishni rejalashtirmoqda: ularning 15 tasi — F-35B (avianoseslar uchun mo‘ljallangan), qolgan 12 tasi — F-35A bo‘lib, ular taktik yadroviy qurol olib yurish imkoniyatiga ega.
Rossiya sanksiyalar bilan tahdid qilmoqda: nishonda O‘zbekiston ham bor!
Kecha Toshkentda rekord darajadagi issiq havo qayd etildi
Qator davlatlar milliy o‘zlikka qaytish maqsadida nomini o‘zgartirdi
