Las-Vegasda Tesla Cybertruck'ni portlatishda gumonlanuvchi ChatGPT yordamida jinoyatga tayyorlangan

37 yoshli Mettyu Livelsberger ChatGPT'dan portlovchi qurilma tayyorlash elementlarini qayerdan sotib olish, uni qanday yig‘ish va ishga tushirish haqida ma’lumot olgan, deb xabar bermoqda NBC News huquq-tartibot idoralariga tayanib.

Hudud polisiyasi sherifining jurnalistlarga aytishicha, bu AQSh hududida ChatGPT insonga muayyan portlovchi qurilma yaratishda yordam bergani aniqlangan birinchi hodisa.

Eslatib o‘tamiz, 1 yanvar kuni Las-Vegasda Donald Trampga tegishli mehmonxona yaqinida pirotexnika vositalari va yoqilg‘i ortilgan Tesla Cybertruck elektromobili portlatilgan va uning haydovchisi halok bo‘lgan edi.