KXDR Rossiya bilan keng qamrovli strategik sheriklik shartnomasini ratifikasiya qildi

Shimoliy Koreya Rossiya bilan keng qamrovli strategik hamkorlik to‘g‘risidagi bitimni ratifikasiya qildi, deb xabar bermoqda KCNA axborot agentligi.

Tegishli farmon 2024 yil 11 noyabrda «KXDR davlat ishlari bo‘yicha raisi» tomonidan imzolangan ( bu lavozimda Kim Chen In — eslatma), deyiladi xabarda.

Shartnoma ratifikasiya yorliqlari almashgandan keyin kuchga kiradi.

“Rossiya va KXDR o‘rtasida keng qamrovli strategik sheriklik to‘g‘risidagi shartnoma 2024 yil 19 iyun kuni Vladimir Putinning Pxenyanga tashrifi chog‘ida imzolangan. Davlat Dumasi uni 24 oktyabrda ratifikasiya qilgan.

Boshqa narsalar qatorida, xabar qilinganidek, Rossiya Federasiyasi va KXDR o‘rtasidagi kelishuv harbiy ittifoq tuzishni nazarda tutadi . «The Wall Streat Journal» gazetasi «Rossiya razvedkasining sobiq xodimi kelishuv tafsilotlari haqida ma’lumot bergan»ga tayanib, unda Shimoliy Koreyaga o‘z askarlarini Ukrainadagi urushga yuborishga ruxsat beruvchi maxfiy band borligini yozdi.

Oktyabr oyida Shimoliy Koreyaning bir necha ming harbiy xizmatchisi Rossiyaga kelgani ma’lum bo‘ldi. Shimoliy Koreya harbiylari, Ukraina va G‘arb manbalariga ko‘ra, Kursk viloyatida joylashgan bo‘lib, uning bir qismi avgust oyi boshidan beri Ukraina qo‘shinlari tomonidan bosib olingan.