Turinning "Yuventus" klubi himoyachisi Jorjo Kyellini o‘zining jamoadoshi, koronavirusga chalingan portugaliyalik xujumchi Krishtianu Ronalduning holati haqida ma’lum qildi, deb xabar berdi AS.
«Krishtianu yaxshi, u xotirjam. Ronaldu quyoshga toblanmoqda. Normal holatga kelgach, u qaytadi », - dedi Kyellini.
Eslatib o‘tamiz, izolyasiya qilingan 35 yoshli futbolchi bugun Lissabonda bo‘lib o‘tadigan Millatlar ligasi guruh bosqichidagi Shvesiya terma jamoasiga qarshi o‘yinda maydonga tushmaydi.