Saksoniya federal hukumatdan noqonuniy muhojirlarning Germaniyaga kirishiga yo‘l qo‘ymaslik uchun Chexiya va Polsha bilan chegarada qattiq chegara nazoratini joriy etishni so‘radi.
Joriy yilning mart oyida Saksoniya hukumati Polsha va Chexiyadan mamlakatga yetti mingdan ortiq «ruxsatsiz kirishlar»ni hisoblagan. Bu ko‘rsatkich o‘tgan yilgi ma’lumotlardan oshib ketdi – 2023 yilning mart oyida bunday yozuvlar soni 6700 ga yaqin edi.
Saksoniya ichki ishlar vaziri, o‘zi federal polisiyada 30 yil ishlagan Armin Shuster ogohlantirmoqda. Uning so‘zlariga ko‘ra, 2024 yilda Germaniya «juda yuqori migrasiya bosimini» boshdan kechiradi.
«Bunday vaziyatda federal hukumatning oxirgi chora – chegara nazoratiga murojaat qilishdan boshqa iloji yo‘q. Faqatgina uchinchi davlat bandi bo‘yicha chegarada izchil rad etish qisqa muddatda migrasiyani to‘xtatib turishga imkon beradi», - deydi u.
Armin Shuster Germaniyaga xavfsiz uchinchi davlat orqali - bu holda Chexiya yoki Polsha orqali kelgan barcha boshpana izlovchilarni rad etishga chaqiradi. 2023 yil sentyabr oyida Yevropa sudi shu asosda Yevropa Ittifoqining ichki chegaralarida boshpana izlovchilarni rad etishni noqonuniy deb topdi. Biroq, Saksoniya Ichki ishlar vazirligi «boshqa huquqiy nuqtai nazarga ega».
«Federal hukumat nihoyat qonuniy fikrini o‘zgartirishi va federal polisiyaga xavfsiz uchinchi davlatdan kelgan va boshpana so‘ragan odamlarni orqaga qaytarishga ko‘rsatma berishi muhim», - deydi Shuster.
Amaldagi amaliyot shuki, Germaniyaga (hatto chegara nazorati zonasiga ham) kirgan noqonuniy migrantni qaytarib bo‘lmaydi.
«Bu odamlar birlamchi qabulxonalarga olib ketilmoqda. Chexiya yoki Polshaga to‘g‘ridan-to‘g‘ri qaytish noqonuniy bo‘ladi», - deya javob qaytardi Germaniya Ichki ishlar vazirligi Bildga.