Dekabr oyi boshidan beri COVID-19 dan o‘lim darajasi o‘sib bormoqda. So‘nggi sakkiz hafta ichida dunyoda koronavirus bilan kasallangan 170 mingdan ortiq bemor vafot etdi. Bu haqda Jenevadagi brifingda Jahon sog‘liqni saqlash tashkiloti (JSST) rahbari Tedros Gebreyesus ma’lum qildi.
Uning so‘zlariga ko‘ra, shu haftada koronavirus bilan bog‘liq global sog‘liqni saqlash favqulodda vaziyatlar qo‘mitasining yig‘ilishi bo‘lib o‘tadi. Mutaxassislar kasallikning pandemiyasi hali ham xalqaro ahamiyatga molik favqulodda vaziyat ekanligini hal qilishlari kerak.
«Qo‘mitaning tavsiyasi inobatga olinmasa, men ko‘plab mamlakatlardagi mavjud vaziyat va o‘limlar sonining ko‘payishidan xavotirdaman», dedi JSST rahbari.
Gebreyesusning ta’kidlashicha, hozir dunyo «uch yil oldin pandemiya birinchi marta boshlanganidan ko‘ra yaxshiroq ahvolda», ammo hozirgacha «juda kam odam, ayniqsa qariyalar va tibbiyot xodimlari emlangan». Shu bilan birga, Gebreyesusning qo‘shimcha qilishicha, kuchaytiruvchi emlashni o‘z vaqtida olmaganlar, qimmatligi tufayli virusga qarshi dori-darmonlarni olish imkoniga ega bo‘lmagan va kerakli davolanishni olmaganlar «juda ko‘p».
O‘zbekiston tibbiyoti og‘ir judolikka uchradi
ECHL. Yarim final. "Bavariya" "Real" bilan jangovar durang qayd etdi
Oq uy Baydenning chiqishlarini qisqartiradi
