Rossiya prezidenti Vladimir Putin amerikalik hamkasbi Donald Tramp bilan telefon orqali suhbatlashdi. Bu haqda 30 mart, dushanba kuni Kremlda xabar qilindi.
Ikki davlat rahbarlari dunyoda koronavirus infeksiyasining tarqalishidan umumiy tashvish bildirdilar. Putin va Tramp bir-birlariga Rossiya va AQSh COVID-19 ga qarshi kurashishda qanday choralar ko‘rayotganini aytib berishdi. Rossiya va Amerika Qo‘shma Shtatlari prezidentlari ushbu kasallikka qarshi kurashda mamlakatlar o‘rtasida yanada yaqinroq hamkorlik qilishga kelishib oldilar.
"Davlat rahbarlari dunyoda koronavirus tarqalishidan jiddiy xavotirda ekanliklarini bildirishdi va bu tahdidga qarshi kurashish uchun Rossiya va AQShda ko‘rilayotgan choralar to‘g‘risida bir-birlarini xabardor qildilar. Tomonlar ushbu yo‘nalishda ikki mamlakat o‘rtasida yanada yaqinroq hamkorlik qilish imkoniyatlarini muhokama qilishdi ", dedi 30 mart, dushanba kuni Kreml matbuot xizmati.
Bundan tashqari, Putin va Tramp Rossiya va AQShning energetika vazirliklari darajasida neft bozorining holati bo‘yicha maslahatlashuvlar to‘g‘risida kelishib oldilar.
Ukraina prezidenti Rossiya bilan muzokaralarga tayyor ekanini aytdi
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
