Oisha roziyallohu anhodan rivoyat qilinadi:
«Men junublik asarini Nabiy sollallohu alayhi vasallamning kiyimlaridan yuvib qo‘yar edim. U zot namozga kiyimlaridagi suvning ho‘li bilan chiqar edilar».
Beshovlari rivoyat qilganlar.
Sharh: Oisha onamizning «junublik asarini» deganlari, maniyning asari deganidir. Chunki insondan maniy chiqqanda junub bo‘ladi.
Ushbu hadisdan olinadigan foydalar:
1.Kiyimga maniy tegsa, yuvib tashlash zarurligi.
2.Ayol kishi erining kiyim-boshlarini yuvib, tuzatib borishi kerakligi.
3.Payg‘ambarimiz sollallohu alayhi vasallamning mutavoze ekanliklari.
4.Kiyimning ho‘li bilan namozga chiqish mumkinligi.
5.Maniy najosat ekani.
Manba: islom.uz