Shimoliy Koreya Bosh shtabi Koreya yarimorolidagi vaziyatning yomonlashuvi mamlakat xavfsizligi uchun «qat’iyroq choralar ko‘rishni» talab qilishini aytdi. Shu munosabat bilan KXDR Janubiy Koreya bilan avtomobil va temir yo‘llarni to‘sib qo‘yadi, deya xabar beradi KCNA.
Shimoliy Koreya Bosh shtabi ma’lumotlariga ko‘ra, KXDR suverenitetiga tajovuz qilish uchun kuch ishlatishga urinishlarini ochiq ko‘rsatuvchi «dushman kuchlarning qarama-qarshilik maniyasi» Koreya yarimorolidagi xavfsizlik holatini oldindan aytib bo‘lmaydigan holga keltiradi. Misol tariqasida departament Janubiy Koreya va AQSh o‘rtasidagi harbiy mashg‘ulotlarni keltirdi.
«9 oktyabrdan Janubiy Koreya bilan avtomobil va temir yo‘llarni butunlay to‘sib qo‘yish va ularni kuchli mudofaa inshootlari bilan mustahkamlashga qaratilgan qurilish ishlari boshlanadi. Har qanday sharoitda ham Janubiy Koreya bilan janubiy chegarani doimiy blokada qilish... urushni to‘xtatish va respublika xavfsizligini himoya qilishga qaratilgan o‘zini-o‘zi mudofaa chorasidir», — deyiladi KXDR Bosh shtabi bayonotida.
Eron zarbasidan keyin Isroil havo kuchlari bazasining sun’iy yo‘ldosh tasvirlari e’lon qilindi
Ukrainaga «Barcha bombalarning otasi» tashlandi
Rossiya elchisi qo‘rqib ketdi
