2021 yil 15 – 16 sentyabr kunlari “Ipak Yo‘li Banki” keyingi 3 yillik rivojlanishning asosiy yo‘nalishlarini belgilab olish maqsadida Strategik sessiya o‘tkazdi.
Sessiyada Bank aksiyadorlarining vakillari, Kuzatuv kengashi va Bankning boshqaruv a’zolari, biznes yo‘nalishlar va filiallarning rahbarlari, xususan, 2020 yilda Bankka sarmoya kiritgan Germaniyaning DEG taraqqiyot moliya instituti hamda Niderlandiyaning Triodos Investment Management (Triodos IM) kompaniyasi vakillari ishtirok etdi.
Uchrashuv davomida ishtirokchilar mamlakatning bank sektoridagi so‘nggi tendensiyalar va o‘zgarishlarni, shuningdek, investorlarning yaqin kelajakda qo‘shimcha sarmoya kiritish rejalarini kelishib olishdi.