Aktrisa Kemeron Diaz 11 yillik tanaffusdan so‘ng 2025 yilda katta ekranlarda paydo bo‘ladi. 52 yoshli kinoyulduz nega katta tanaffus qilgani sababini Fortune eng nufuzli ayollar sammitida tushuntirdi.
Aktrisa bor e’tiborini oilasiga — turmush o‘rtog‘i Benji Medden bilan birgalikda ikki nafar farzandi tarbiyasiga bag‘ishlash uchun Gollivudni tark etgan.
«O‘zimni hayotga qaytarish uchun nimadir qilishim kerakligini tushunib yetgandim. Qolgani menga qiziq emas edi», — Diazning so‘zlarini keltirdi Variety.
Hamkasblarining fikrlari va muvaffaqiyatlari ham uni tanlagan yo‘lidan qaytarolmagan.
«Hamma gap siz nimani astoydil istashingizda. Men uchun bu oila edi», — dedi aktrisa.
Kemeron Diaz 1990-yillar oxiri va 2000-yillar boshlarida Gollivudning eng muvaffaqiyatli aktrisalaridan edi. «Niqob», «Charli farishtalari», «Ta’tillar almashganda» kabi ko‘plab filmlarda suratga tushgan.
Netflix «Yana harakatda» jangari komediyasi premyerasini 2025 yilga mo‘ljallagan, rejissyor Set Gordon suratga olgan filmda bosh rollarni Kemeron Diaz, Jeymi Foks, Kayl Chandler va Glenn Klouz o‘ynagan.
Isroil AQShga va’da berdi: "Eronga hujum qilamiz, ammo..."
Mehnat migrantlari yangi usulda Rossiyaga ishga jalb qilinishi mumkin
"Men yadro qurolisiz dunyo yaratmoqchiman!"
