2022 yildan buyon Prezident Administrasiyasida bosh konsultant lavozimida ishlab kelayotgan Olimjon O‘sarov boshqa ishga o‘tganligi to‘g‘risida Prezident farmoyishi e’lon qilingan.
Ma’lum bo‘lishicha, O.O‘sarov Mudofaa vazirining vatanparvarlik targ‘iboti, ma’naviy-ma’rifiy masalalar va yoshlar ishlari bo‘yicha maslahatchisi lavozimida ish boshlagan (https://xabar.uz/cya8).
Yaqinda u X ijtimoiy tarmog‘idagi sahifasida "Milliy tiklanish" partiyasi raisi Alisher Qodirovning majburiy harbiy xizmat borasidagi fikrini qo‘llab-quvvatlashi haqida post qoldirgan edi. Ijtimoiy tarmoq faollarining yozishicha, aslida ushbu g‘oya mualliflaridan biri Olimjon O‘sarovning o‘zi bo‘lgan. Qolaversa, u "Milliy tiklanish" partiyasidan ikki chaqiriq Oliy Majlis Qonunchilik palatasi deputatligiga saylangan (2005, 2010).
Ixtisosligiga ko‘ra, O.O‘sarov jurnalist, huquqshunos. Filologiya fanlari nomzodi, dosent. 2-darajali adliya maslahatchisi (podpolkovnik harbiy unvoniga tenglashtirilgan).
Mehnat faoliyati davomida Oliy sud Axborot xizmati rahbari, Oliy Majlis Qonunchilik palatasining Axborot va ommaviy kommunikasiya lar masalalari qo‘mitasi a’zosi, “Nuroniy” gazetasi va “Keksalik gashti” jurnali Bosh muharriri, 2021-2022 yillarda O‘zbekiston Jurnalistlar uyushmasi raisi vazifalarida ishlagan.
Qozog‘iston Rossiya, Xitoy, Turkiya va Markaziy Osiyo davlatlarini ortda qoldirdi
O‘zbekistonda hafta boshida kutilayotgan ob-havo ma’lum qilindi
Isroil tanklari Suriyaga kirdi
