Janubiy Koreyada hukumat va muxolifat Ukrainaga qurol yetkazib berish masalasida bahslashmoqda

Bu haqda Financial Times xabar bermoqda.

Prezident Yun Sok Yol va boshqa yuqori martabali rasmiylar Pxenyanning to‘g‘ridan-to‘g‘ri Ukraina mojarosiga aralashuvini mamlakat xavfsizligiga tahdid sifatida ko‘rmoqda. Chunki shimoliy koreyalik harbiylar Ukrainada qimmatli jangovar tajriba oladi.

Shuningdek, Seul Moskva Pxenyanga yordam uchun murakkab va zamonaviy harbiy texnologiyalarni berishi mumkinligidan xavotirda.

Janubiy Koreya parlamentidagi ko‘pchilikni egallagan muxolifat esa prezidentning qat’iy pozisiyasi Pxenyanni Moskva bilan yaqinlashishga undayotganini ta’kidladi.