Italiya mudofaa vaziri Yevropa missiyasining Grenlandiyaga yuborilishini masxara qildi

Italiya mudofaa vaziri Gvido Krozetto Yevropa Ittifoqi davlatlari qo‘shinlarining Grenlandiyaga yuborilishi hazilning boshlanishiga o‘xshashligini aytdi.

The Guardian nashrining yozishicha, Krozetto jurnalistlar oldida chiqish qilar ekan, "Grenlandiyada har qanday millatga mansub 100, 200 yoki 300 nafar askar nima qila olishi mumkin," degan savolni bergan. Uning so‘zlariga ko‘ra, "bu hazilning boshlanishiga o‘xshaydi."

Shuningdek, u Italiya Grenlandiyaga o‘z qo‘shinlarini yubormasligini ta’kidladi va NATOga turli mamlakatlarning bu boradagi o‘zaro hamkorligi masalasida muvofiqlashtiruvchi rolini o‘z zimmasiga olishni taklif qildi.