Isroilning Yamanga uyushtirgan hujumlari natijasida 800 ming litr yoqilg‘i yo‘q qilindi

20 iyul kuni Isroilning Yamanga uyushtirgan hujumlari natijasida 800 ming litr yoqilg‘i yo‘q qilindi.

Bu haqda BMT Jahon oziq-ovqat dasturi hisobotida aytiladi.

«Jahon oziq-ovqat dasturining talabiga binoan uning ehtiyojlari uchun ajratilgan 800 ming litr yoqilg‘i yo‘q qilindi», — deyiladi xabarda.

Jahon oziq-ovqat dasturining qayd etishicha, yoqilg‘i Xodeyda portiga berilgan havo hujumlari natijasida yo‘q qilingan.

20 iyul oqshomida Isroil Qizil dengiz sohilidagi Ansorulloh isyonchilar nazoratidagi Xodeyda portiga havo hujumlarini boshladi.

Yaman rasmiylari avvalroq hujum oqibatida olti kishi halok bo‘lgani va o‘nlab kishilar yaralangani haqida xabar bergan edi.