Isroilning G‘azodagi klinikaga uyushtirgan hujumida 13 falastinlik halok bo‘ldi

Isroilning G‘azo sektori shimolidagi Jabaliya qochqinlar lageridagi klinika va masjidga uyushtirgan hujumida 13 nafar falastinlik halok bo‘ldi. Bu haqda Falastin fuqarolik mudofaasi ma’muriyati vakili Mahmud Basal ma’lum qildi.

Basal, Jabaliyadagi Isroil hujumida 13 falastinlik halok bo‘lganini, yaradorlar ham borligini qayd etdi.

Guvohlarning xabar berishicha, hujumdan so‘ng ko‘plab halok bo‘lganlar va yaradorlar G‘azo sektori shimolidagi Indoneziya kasalxonasiga yetkazilgan.

Qayd etilishicha, tez yordam xonasi yaradorlar bilan to‘ldirilgan.