Isroil tibbiyot mutaxassislarining G‘azoga kirishiga to‘sqinlik qilmoqda

Isroil G‘azo sektorida bosqinchilik va qirg‘inbarot urushini boshlaganiga 378 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Zaytun hududi, Rafah, Jabaliya va Mag‘ozi lagerlariga hujum qildi. Urush boshlanganidan buyon 42 438 kishi shahid bo‘ldi.

▪️Falastin qarshilik harakati yetakchisi, HAMAS rahbari Yahyo Sinvar o‘z askarlari bilan birga Rafahdagi jangda halok bo‘ldi.

▪️HAMAS harakati bosqinchilarning qarshilik qo‘mondoni Yahyo Sinvarning o‘limi haqidagi bayonotiga munosabat bildirmadi.

▪️Hizbulloh: Dushmanga qarshi kurashning yangi va shiddatli bosqichiga o‘tdik. Bosqinchilar 55 zobit va askarini yo‘qotdi, 500 dan ortiq kishi yaralandi. 20 ta “Merkava” tanki, 4 buldozer va ikkita vertolyot yo‘q qilindi.

▪️Livan chegarasida, Aita al-Shaab hududida qarshilik jangchilari bosqinchilar otryadini mag‘lub etishdi. Yaradorlar va o‘lganlarni evakuasiya qilish uchun kelgan bir guruh askar ham hujumga uchradi.

▪️Livan Sog‘liqni saqlash vazirligi: So‘nggi 24 soat ichida Isroilning zarbalari natijasida 45 kishi halok bo‘ldi va 179 kishi yaralandi.

▪️JSST: Isroil tibbiyot mutaxassislarining G‘azoga kirishiga to‘sqinlik qilmoqda.