Isroil noqonuniy ko‘chmanchilarni ma’muriy hibsga olishni to‘xtatadi

Yangi Mudofaa vaziri Isroil Kats bosib olingan G‘arbiy Sohilda Falastin yerlarini noqonuniy ravishda egallab olgan isroilliklarni ma’muriy qamoqqa olish tartibi bekor qilinganini e’lon qildi.

Ma’muriy hibsga olish Isroil hukumati tomonidan gumonlanuvchilarni ayblovsiz ushlab turish siyosatidir.

Noqonuniy ko‘chmanchilar "xavf ostida", dedi Kats.

Shuningdek, u ularga qarshi bir qator xalqaro sanksiyalar joriy etilganini ham qayd etdi.

Vazir ko‘chmanchilarga nisbatan "qat’iy choralar ko‘rishni noo‘rin" deb atadi.

Isroil hukumatining o‘ta o‘ngchi a’zolari mudofaa vazirining qarorini olqishladi.