Isroil mudofaa vaziri Eronga hujum «o‘limga olib keladigan, aniq va kutilmagan» bo‘lishini va’da qildi

Isroil mudofaa vaziri Yoav Galant Eronga hujum «o‘limga olib keladigan, aniq va kutilmagan» bo‘lishini va’da qildi.

OAV xabarlariga ko‘ra, Isroil xavfsizlik mahkamasi bugun Eronga qarshi ehtimoliy javob zarbasini muhokama qiladi. Uchrashuvni bosh vazir Benyamin Netanyaxu rejalashtirgan, deb yozadi Axios. Jurnalistlarga ko‘ra, hukumat rahbari Tehronga harbiy javob choralari bo‘yicha aniq qarorlar qabul qilish uchun xavfsizlik kabinetining roziligini talab qiladi.

Eron o‘tgan haftada Isroilga 200 ga yaqin raketa uchirdi, biroq hujum jiddiy zarar keltirmadi. Bundan tashqari, Tehron hukumati Livandagi Hizbulloh terror tashkiloti va Isroilga muntazam hujum qiladigan yamanlik husiylarni faol qo‘llab-quvvatlaydi.

«Isroil davlatiga zarar yetkazmoqchi bo‘lgan har bir kishi to‘lovni to‘laydi. Eronga hujumimiz halokatli, aniq va kutilmagan bo‘ladi», dedi Isroil mudofaa vaziri Yoav Galant.

Bir kun avval Netanyaxu ikki oy ichida birinchi marta AQSh prezidenti Jo Bayden bilan telefon orqali gaplashdi. Ko‘rinishidan, suhbat Isroilning Eronga javob zarbasiga bag‘ishlangan.