Isroil G‘azo bo‘yicha vositachilardan taklif oldi

Isroil G‘azo sektoridagi vositachilardan taklif oldi, shundan so‘ng u qarshi taklif bilan chiqdi.

Bu haqda Isroil vazirlar mahkamasi rahbari idorasi ma’lum qildi.

"Bosh vazir Benyamin Netanyaxu vositachilardan olingan taklifdan so‘ng bir qator maslahatlashuvlar o‘tkazdi. So‘nggi soatlarda Isroil AQSh bilan to‘liq hamkorlikda o‘zining qarshi taklifini vositachilarga taqdim etdi", — deyiladi bayonotda.

Avvalroq Falastinning HAMAS harakati G‘azo sektorida o‘t ochishni to‘xtatish shartlarini Isroil bilan muzokaralarda vositachilik qilayotgan Misr va Qatardan qabul qilgan edi.