Ispaniyadagi suv toshqinining halokatli kadrlari

Kuchli yomg‘ir Ispaniya sharqiy qismini vayronaga aylantirdi, chunki toshqin binolarni yuvib ketdi, ko‘priklar vayron bo‘ldi va ko‘chalar axlatga to‘ldi.

Ko‘plab odamlar halok bo‘ldi va rasmiylarning ta’kidlashicha, bedarak yo‘qolganlar ham bo‘lishi mumkin. Valensiya yaqinidagi Sedavi shahrida bir yillik yomg‘ir bir necha soat ichida yog‘ganidan so‘ng avtomobillar ko‘chalarda bir-birining ustiga to‘planib qoldi.

Odamlar o‘z uylarini tashlab, boshpana izlashga majbur bo‘ldilar.

Madrid va Valensiya o‘rtasidagi temir yo‘l qatnovi transport vositalari yoki vayronalar bilan to‘silgani tufayli faoliyatini to‘xtatgan.

Favqulodda xizmat xodimlari suv bosgan uylardan yaradorlar va qariyalarni qutqarishga yordam berdi. Ba’zi hududlarga faqat vertolyotda yetib borish mumkin edi, chunki yo‘llar loy va vayronalar bilan to‘sib qo‘yilgan va hukumat qutqaruv ishlariga yordam berish uchun yuzlab askarlarni yuborgan.

Hozirda hodisa zararlari hisoblanmoqda.