Bu haqda Bloomberg xabar bermoqda.
Mask so‘nggi haftalarda X ijtimoiy tarmog‘ida e’lon qilgan bir qator postlar orqali Germaniya va Buyuk Britaniya hukumatlarini tanqid qilib, ushbu davlatlarning qonunlari va iqtisodiy siyosatini shubha ostiga qo‘ygan.
Shuningdek, Mask mazkur davlatlar yetakchilariga nisbatan haqoratli izohlar qoldirgan. Amerikalik biznesmen kansler Sholsni "ahmoq", Germaniya prezidentini "zolim" deb haqoratlagan. Buyuk Britaniya bosh vaziri Kir Starmerni esa "mamlakatni vayron qilishda" ayblagan.
