"Hokim o‘rinbosari" o‘zgacha usuldagi firibgarlikka qo‘l urdi

Buxoro shahrida yashovchi, 1979 yilda tug‘ilgan R.M ismli ayol 2019 yil fevral oyida SH.N ismli ayolning ishonchiga kirib, ishga joylashtirish evaziga undan 350 AQSh dollari olgan. So‘ngra Buxoro shahar Aholi bandligiga ko‘maklashish markazi rahbariyatining xizmat telefoniga qo‘ng‘iroq qilib, o‘zini hokim o‘rinbosari deb tanishtirgan. Shu yo‘l bilan fuqaro SH.N nomiga Buxoro ayollar muruvvat uyiga ishga kirishi haqida yo‘llanma berishni talab qilib, yo‘llanma olishga erishgan. Keyin esa Buxoro ayollar muruvvat uyi rahbariga qo‘ng‘iroq qilib, uni ishga olishini aytib, fuqaro SH.N.ni ishga joylashtirgan.

Ushbu holat yuzasidan viloyat prokuraturasi tomonidan R.M.ga nisbatan JKning 168-moddasi 3-qismi “b” bandi bilan jinoyat ishi qo‘zg‘atilgan.