Ziyoratchilarni poytaxt aeroportida yaqinlari va qarindoshlari kutib oldi.
Haj ziyoratini ado etgan ilk o‘zbekistonliklar Toshkentga qaytishdi, deya xabar berdi Uzbekistan Airports.
Bortida 245 nafar ziyoratchi bo‘lgan HY-5304 reysi bilan Jiddadan kelgan “Uzbekistan Airways” aviakompaniyasining samolyoti 12 iyun kuni mahalliy vaqt bilan soat 17:30 da Toshkent xalqaro aeroportiga qo‘ndi.
"Kelgan ziyoratchilarni poytaxt aeroportining uchib kelish zalida yaqinlari va qarindoshlari kutib oldi. Voliyatlardan kelgan ziyoratchilarni zal oldida maxsus avtobuslar kutib oldi", — deyildai xabarda.
Qayd etilishicha, 12-30 iyun kunlari Jiddadan Toshkent, Namangan, Qarshi, Samarqand, Buxoro, Urganch va Nukus shaharlariga jami 62 ta reys rejalashtirilgan bo‘lib, ularda 15 150 nafar ziyoratchi Haj safaridan qaytadi.
Dollar va yevro keskin ko‘tarildi
Kreml "yonmoqda" - Serbiya Ukrainaga yaqindan yordam bermoqchi
Eron Isroilning F-35 qiruvchi samolyotlarini urib tushirdi
