Isroil bilan to‘g‘ridan-to‘g‘ri to‘qnashuv boshlanganidan beri ilk bor Eron poytaxtida havo hujumidan mudofaa tizimlari yorug‘ kunda ishga tushdi.
Isroil armiyasi operasiya bo‘yicha oraliq natijalarni e’lon qildi: uch kun ichida Isroil Eron hududidagi 720 dan ortiq harbiy ob’ektlarga hujum uyushtirgan. SAXAL (Isroil Mudofaa Kuchlari) vakillarining ta’kidlashicha, aynan o‘tgan tun 50 ta qiruvchi samolyot Tehronda joylashgan Eronning yadroviy loyihasi ob’ektlariga zarba bergan.
Bundan tashqari, Isfahonda harbiy ishlab chiqarish doirasida faqat “Shahed” dronlari emas, balki yadro qurolini yaratish ustida ham ish olib borilgan. Isroil armiyasi vakilining aytishicha, u yerda 2021-yildan beri uranni boyitish uchun zarur infratuzilma qurilgan.
Shu orada, Eronning Islom inqilobi soqchilari korpusi (IISQ) sakkiz nafar yuqori martabali harbiy xodim, jumladan, Harbiy-havo kuchlari qo‘mondoni Amir-Ali Hojizoda ning halok bo‘lganini e’lon qildi.
