Gruziya uzum yetishtirishni taklif qilgan holda Marsda olib borilayotgan kosmik tadqiqotlar loyihasiga qo‘shildi, deya xabar berdi Mamlakat milliy muzeyi axborotiga tayanib, “ria.ru”.
Milliy muzeyning ta’kidlashicha, NASA kosmonavtlari allaqachon kosmik stansiyada oziq-ovqat mahsulotlarini etishtirish bo‘yicha bir nechta muvaffaqiyatli tajribalar o‘tkazgan.
"Gruziyaning bu yo‘nalishda ishlashi mumkin bo‘lgan salohiyati dunyoda noyobdir, chunki u eng qadimgi uzum etishtirish madaniyatidan yaxshigina xabardor", deyiladi xabarda.
Aytilishicha, bu ish yuzasidan Gruziya davlat tuzilmalari, ta’lim va ilmiy-tadqiqot muassasalari vakillaridan iborat ishchi guruh tuziladi.