Gruziya Ichki ishlar vazirligi namoyish paytida 4 kishini hibsga oldi

Gruziyada 29 martga o‘tar kechasi namoyish paytida to‘rt kishi hibsga olindi. Bu haqda Gruziya Ichki ishlar vazirligi matbuot xizmati xabar bermoqda.

Boshqarma ma’lumotlariga ko‘ra, qo‘lga olinganlar polisiyaga bo‘ysunmaslik, yo‘llarni noqonuniy to‘sish va mayda bezorilikda ayblangan. Ushbu ma’muriy huquqbuzarliklar uchun jazo 5 ming lari (1800 dollar – tahr.) miqdorida jarima yoki 60 sutkagacha ma’muriy hibsga olishni o‘z ichiga oladi.

Namoyish parlament binosi oldida bo‘lib o‘tdi, unda ishtirokchilar "Yagona milliy harakat" harakatlarini tekshirayotgan parlament tergov komissiyasi ishiga qarshi chiqishdi.

Sobiq hukmron "Yagona milliy harakat" partiyasi tomonidan 2003-2012 yillarda sodir etilgan jinoyatlarni tergov qilish bo‘yicha muvaqqat tergov komissiyasi 5 fevral kuni tuzilgan bo‘lib, parlamentda uch oy ishlaydi, shundan so‘ng u o‘z hisobotini taqdim etadi. Keyingi uchrashuv juma kuni bo‘lib o‘tdi.