«O‘zavtosanoat» kompaniyasining rasmiy saytida GM Uzbekistan avtomobillari narxi oshirilmasligi ma’lum qilindi.
«1 avgustdan GM Uzbekistan avtomobillari narxi oshirilmaydi», – deyiladi xabarda.
Eslatib o‘tamiz, 30 iyul kuni Xalqaro press-klubda o‘tgan yig‘ilishda kompaniya raisi Shavkat Umurzoqov 1 avgustdan narxlar o‘rtacha 14%ga oshirilishini xabar qilgandi.
Ushbu masala mutasaddi tashkilotlar va mutaxassislar bilan hamkorlikda har tomonlama o‘rganib chiqilmoqda. Ijtimoiy tarmoqlarda tarqalgan narxlar ro‘yxati ishonchli emas, deya ta’kidlaydi kompaniya.
Lion Motors Angren avtosalonidan UZ24'ga ma’lum qilishlaricha, avtomobillarning yangi narxlari tasdiqlangan prays-list hozircha ularga berilmagan, 2 yoki 3 avgust kunlari yetkazilishi aytilgan.
Manba: uz24.uz
