Funke media guruhi ma’lumotlariga ko‘ra, 2026 yil yanvaridan avgust oyining oxirigacha Germaniyaning Oila va fuqarolik jamiyati bo‘yicha federal idorasiga harbiy xizmatdan bosh tortish to‘g‘risida 12 102 ta ariza kelib tushgan, deb yozadi DW.
Shunday qilib, ularning soni 2025 yil davomidagi ko‘rsatkichdan uch baravar ko‘p bo‘ldi. O‘tgan yili 3879 ta bunday ariza ro‘yxatga olingan.
Shu bilan birga, idora arizalarni ko‘rib chiqishda jiddiy qiyinchiliklar yuzaga kelganini xabar qildi. Idora vakilining so‘zlariga ko‘ra, "juda ko‘p miqdordagi arizalar to‘g‘ri muassasaga yuborilmagan", shuning uchun ular "ko‘rib chiqilmasdan qaytarilishi kerak".
Arizalar sonining keskin o‘sishi xavfsizlikning keskin holati va 1 yanvardan kuchga kirgan Bundesver chaqiruv tizimini isloh qilish to‘g‘risidagi qonun bilan bog‘liq. Hujjatga ko‘ra, 2026 yildan boshlab 18 yoshli erkaklar Germaniya qurolli kuchlariga qo‘shilishga tayyormi yoki yo‘qmi degan savol bilan anketa to‘ldirishlari kerak bo‘ladi.
Yoshlar harbiy xizmatdan bosh tortishlarini oldindan e’lon qilish huquqiga ega.
2011 yilda to‘xtatilgan majburiy harbiy xizmat Bundestag qarori bilan qisman qayta joriy etilishi mumkin. Agar ko‘ngillilar soni kerakli darajaga yetmasa, "zarurat tug‘ilganda harbiy burch" deb nomlangan mexanizmni ishga tushirish rejalashtirilgan.
2035 yilga borib Germaniyada harbiy xizmatdagi fuqarolar sonini 186 mingdan 260 minggacha oshirish rejalashtirilgan.
Aeroportda yangi tug‘ilgan chaqaloq va uning onasi vafot etdi
13 yoshli qiz egizak farzandli bo‘ldi
«Biz tayyormiz»: Mers Kiyevdan Putinga murojaat qildi
