Funke медиа гуруҳи маълумотларига кўра, 2026 йил январидан август ойининг охиригача Германиянинг Оила ва фуқаролик жамияти бўйича федерал идорасига ҳарбий хизматдан бош тортиш тўғрисида 12 102 та ариза келиб тушган, деб ёзади DW.
Шундай қилиб, уларнинг сони 2025 йил давомидаги кўрсаткичдан уч баравар кўп бўлди. Ўтган йили 3879 та бундай ариза рўйхатга олинган.
Шу билан бирга, идора аризаларни кўриб чиқишда жиддий қийинчиликлар юзага келганини хабар қилди. Идора вакилининг сўзларига кўра, "жуда кўп миқдордаги аризалар тўғри муассасага юборилмаган", шунинг учун улар "кўриб чиқилмасдан қайтарилиши керак".
Аризалар сонининг кескин ўсиши хавфсизликнинг кескин ҳолати ва 1 январдан кучга кирган Бундесвер чақирув тизимини ислоҳ қилиш тўғрисидаги қонун билан боғлиқ. Ҳужжатга кўра, 2026 йилдан бошлаб 18 ёшли эркаклар Германия қуролли кучларига қўшилишга тайёрми ёки йўқми деган савол билан анкета тўлдиришлари керак бўлади.
Ёшлар ҳарбий хизматдан бош тортишларини олдиндан эълон қилиш ҳуқуқига эга.
2011 йилда тўхтатилган мажбурий ҳарбий хизмат Бундестаг қарори билан қисман қайта жорий этилиши мумкин. Агар кўнгиллилар сони керакли даражага етмаса, "зарурат туғилганда ҳарбий бурч" деб номланган механизмни ишга тушириш режалаштирилган.
2035 йилга бориб Германияда ҳарбий хизматдаги фуқаролар сонини 186 мингдан 260 минггача ошириш режалаштирилган.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
