Germaniyada beshta maktabga portlash tahdidi yuborildi

Germaniyaning beshta federal yeridagi maktablar juma kuni bir xil anonim tahdidli xatlarni oldi.

Bu haqda Zeit nashri xabar bermoqda.

"Ertalab noma’lum shaxslar ba’zi maktablarga tahdidli xatlar yubordi. Polisiya ma’lumotlariga ko‘ra, Shimoliy Reyn-Vestfaliya, Bavariya, Meklenburg-Old Pomeraniya, Saksoniya va Reynland-Pfaltsdagi (federal yerlar) maktablar zarar ko‘rgan. Bir xil mazmundagi barcha xabarlar pochta orqali kelgan," - deyiladi maqolada polisiyaga tayanib.

Xatlarda portlash xavfi borligi aytilgan bo‘lsa kerak. Polisiya xavfsizlik choralarini kuchaytirdi, ammo maktablarda darslar odatdagidek davom etmoqda.