Germaniya, Fransiya va Buyuk Britaniya Tehronning yadroviy dasturi bo‘yicha Eron bilan darhol muzokaralar o‘tkazishga tayyor ekanliklarini bildirdi. Bu Yaqin Sharqdagi vaziyatni yumshatishga qaratilgan harakat sifatida qabul qilinmoqda, dedi Germaniya tashqi ishlar vaziri Yoxan Vadeful.
Yoxan Vadeful Yaqin Sharqqa safari davomida Isroil va Eron o‘rtasidagi mojaroni yumshatishga hissa qo‘shishga harakat qilayotganini aytib o‘tdi. U Tehron avval konstruktiv muzokaralar imkoniyatini qo‘lga kiritolmaganini ta’kidladi.
“Umid qilamanki, bu hali ham mumkin, — dedi Vadeful shanba kuni kechqurun Germaniyaning ommaviy efir tashkiloti ARDga. — Germaniya, Fransiya va Britaniya bilan birgalikda tayyormiz. Biz Eronga yadroviy dastur bo‘yicha darhol muzokara taklif qilayapmiz, umid qilamanki, bu taklif qabul qilinadi.”
Yoxan Vadeful, yakshanba kuni Ummonda bo‘lib, mojaroni faqat barcha tomonlardan Eron va Isroilga bosim o‘tkazilganda tugashini ta’kidladi.
“Kelasi hafta ichida har ikki tomondan zo‘ravonlikning o‘sishini to‘xtatishga jiddiy urinish bo‘lishi kutilmoqda,” dedi u.
Eron hukumati qulashi mumkinligi haqida so‘ralganda, Vadeful Isroilning bu maqsadda harakat qilmayotgani, ya’ni Tehron hokimiyatini ag‘darish niyati yo‘qligini aytdi.
Eron maxsus kuchlari urib tushirilgan uchinchi Isroil samolyoti uchuvchisini qo‘lga oldi
Isroil Erondan keyin Pokiston hududiga zarbalar berishga zamin qo‘ygan(mi)?
Eron armiyasi ko‘r, kar va soqov bo‘lib chiqdi
