Germaniya hukumati kasallikning dastlabki bosqichidan og‘ir shaklga o‘tishga yo‘l qo‘ymaydigan monoklonal antitanachalardan iborat dorini sotib olishga qaror qildi.
Bu haqda “Bild am Sonntag” gazetasi xabar berdi.
Germaniya sog‘liqni saqlash vaziri Yens Shpanning ta’kidlashicha, mamlakat ushbu preparatni ma’qullagan birinchi Yevropa davlatiga aylanadi.
“Ha, keyingi haftadan boshlab biz Germaniyada Yevropa Ittifoqining monoklonal antitanachalardan foydalanishni boshlagan birinchi mamlakati bo‘lamiz”, degan Shpan.
Uning so‘zlariga ko‘ra, mamlakat 200 ming dozani sotib olish uchun 400 million yevro sarflagan va preparat birinchi navbatda universitet klinikalarida qo‘llaniladi.