G‘azoga hujumlar qayta boshlanganidan beri 320 dan ortiq bola halok bo‘ldi

Isroil G‘azo sektorida harbiy amaliyotlarini qayta boshlaganidan beri 320 dan ortiq falastinlik bolalar halok bo‘ldi.

Bu haqda BMT Bolalar jamg‘armasi (UNICEF) xabar bermoqda.

18 mart kuni Isroil G‘azoga hujumlarini qayta boshlaganidan beri kamida 322 bola halok bo‘ldi, deya xabar beradi UNICEF.

Eslatib o‘tamiz, 18 mart kuni Isroil armiyasi G‘azo sektorida harbiy amaliyotlarni qaytadan boshlab, anklavga qarshi yirik zarbalar berdi va shu tariqa joriy yilning yanvar oyida o‘rnatilgan sulhni to‘xtatdi. Isroil bosh vaziri Benyamin Netanyaxuning idorasi buni HAMASning vositachilar va AQSh prezidentining maxsus vakili Stiven Uitkoff tomonidan muzokaralar chog‘ida ilgari surilgan takliflarni rad etishi bilan izohlab, sektordagi operasiyadan maqsad barcha garovga olinganlarni ozod qilish ekanini ta’kidladi.