G‘azodagi qurbonlar soni 46 mingga yaqinlashdi

2023 yil 7 oktyabrdan beri G‘azo sektoridagi Isroil hujumlari qurbonlari soni 45 936 kishiga yetdi. Eksklavni quruqlikdan, dengizdan va havodan ommaviy o‘qqa tutish 460 kun davomida to‘xtamayapti. Bu haqda Anadolu xabar berdi.

G‘azo sektori Sog‘liqni saqlash vazirligi ma’lumotlariga ko‘ra, birgina so‘nggi 24 soat ichida Isroil armiyasi eksklavning turli hududlarida “oltita ommaviy qirg‘in” sodir etgan, buning oqibatida 51 kishi halok bo‘lgan, yana 78 kishi jarohatlangan.

Isroil armiyasining 2023 yil 7 oktyabrdan beri uyushtirgan hujumlari natijasida jami jarohatlanganlar soni 109 274 kishiga yetdi.

Minglab halok bo‘lganlarning jasadlari vayron bo‘lgan binolar ostida qolmoqda, biroq fuqarolik mudofaa guruhlari Isroil cheklovlari tufayli ularga yetib bora olmayapti, deyiladi xabarda.