G‘azo sektoridagi hukumat rasmiylarining ma’lum qilishicha, hududda kamida 650 000 nafar bola ocharchilik xavfi ostida qolgan. Bu haqda Al Jazeera telekanali xabar berdi.
Isroil tomonidan joriy etilgan to‘liq blokada 103 kundan beri davom etar ekan, hukumat bayonotida aytilishicha, yuz minglab odamlar, xususan bolalar, oziq-ovqat yetishmovchiligi tufayli halokatli gumanitar inqirozga duch kelmoqda.
«Isroil kuchlari barcha chegaralarini yopdi va oziq-ovqat, dori-darmon hamda yoqilg‘i kirishini taqiqladi. Bu zamonaviy tarixdagi eng og‘ir jamoaviy qamal jinoyatlaridan biri hisoblanadi», — deyiladi bayonotda.
Oxirgi uch kun ichida oziq-ovqat va tibbiy vositalar yetishmasligi oqibatida o‘nlab insonlar halok bo‘lgani qayd etildi.
Bayonotda ma’lum qilinishicha:
Ocharchilikdan 67 nafar bola halok bo‘lgan
Hozirda taxminan 1,25 million kishi «fatal ocharchilik» holatida yashayotgan
Hukumat va huquq tashkilotlari xalqaro hamjamiyatning bu vaziyatga nisbatan sukut saqlayotganini tanqid qilmoqda. Ular Isroilning harakatlarini xalqaro huquq va insonparvarlik me’yorlarining qo‘pol buzilishi sifatida baholamoqda.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
