Germaniya shimolidagi Gamburg shahrida islomchilarning ommaviy namoyishi bo‘lib o‘tdi. Ular xalifalik tuzishga chaqirdilar.
Bild nashrining yozishicha, 25 yoshli talaba Jo Adade Boateng tomonidan tashkil etilgan namoyishda 1 mingdan ortiq kishi ishtirok etgan.
E’tiborlisi, aksiya mahalliy hokimiyat organlari bilan kelishilgan. Gamburg polisiyasi namoyishchilar g‘alayon bo‘lishiga ishonish uchun asos yo‘qligini aytdi.
«Taqiqlash uchun faqat shubhaning o‘zi yetarli emas», dedi polisiya matbuot kotibi Sandra Levgryun.