Fransuz qiruvchi samolyotlari allaqachon Ukrainada bo‘lishi mumkin

Ukraina 2025 yil 20 yanvargacha Fransiyaning birinchi uchta Mirage 2000-5F qiruvchi samolyotlarini olishi kerak. Ammo ba’zi manbalarning ta’kidlashicha, samolyotlar allaqachon Ukrainada, hozircha faqat mashg‘ulot parvozlarini amalga oshirmoqda.

Bu haqda militaristik "Avions Legendaires" portali xabar bermoqda.

Qayd etilishicha, ushbu turdagi bor-yo‘g‘i o‘nga yaqin samolyot Ukraina tamg‘asiga ega bo‘ladi, bu Fransiya prezidenti EmmanuEl Makron va Ukraina rahbari Vladimir Zelenskiy o‘rtasidagi uzoq muddatli muzokaralar natijasidir.

Nashrning eslatishicha, Ukraina harbiy-havo kuchlari uchuvchilari bir o‘rindiqli qiruvchi samolyotni qanday boshqarishni o‘rganishlari uchun bir necha oy kerak bo‘lgan. Bu hozirgacha Ukrainada xizmat qilayotgan MiG-29, Su-24, Su-25 va birinchi navbatda Su-27 samolyotlaridan ancha farq qiladi. Mirage 2000-5F dastlab boshqalarga nisbatan kichik yengil qiruvchi bo‘lib ko‘rinishi mumkin bo‘lsa-da, ukrainalik uchuvchilar uning dushman hududiga uchish uchun mo‘ljallangan dahshatli samolyot ekanligini tezda angladilar.