Fransiya huquq-tartibot idoralari xodimlari rasmiylarga hujum qilishga chaqirish va Olimpiya mash’alasi estafetasi ishtirokchilariga hujum tayyorlashda gumon qilingan yosh neonasistni qo‘lga oldi. Bu haqda mahalliy BFMTV telekanali xabar berdi .
Jurnalistlarga ko‘ra, Kolmar kommunasida yashovchi 20 yoshli yigit hibsga olingan. Unga nisbatan qo‘zg‘atilgan ish allaqachon terrorizmga qarshi kurash bo‘limiga o‘tkazilgan, deyiladi materialda.
«Yigit mash’alachilarni [Olimpiada mash’alasi estafetasi paytida] o‘ldirish bilan tahdid qilgan va o‘zining Telegram-kanalida amaldorlarga hujum qilishga chaqiriqlarini e’lon qilgan», — deyiladi materialda.
Shu bilan birga, tergovchilar qo‘lga olingan shaxs internetda Panzer taxallusi bilan tanilganligini aniqladi. Bu taxallus Ikkinchi jahon urushi paytida ishlatilgan nemis tanklariga ishoradir.
Shuningdek, fuqaroning uyida tintuv o‘tkazgan polisiya xodimlari neonasistlar mafkurasiga oid turli buyumlar va adabiyotlarni topdilar. Telekanalning ismini oshkor etmagan manbasi bu yigit neonasistlar Parisiyen harakatining a’zosi ekanligini ta’kidladi.
Mayk Tayson duch kelishni istamaydigan yagona jangchini aytdi: «Unga nisbatan hech kimda imkoniyat yo‘q»
Boks bo‘yicha jahon chempioni Salim Abduvaliyev bilan aloqadorlikda ayblandi
Lavrov qancha davlat Rossiyani yo‘q qilmoqchi ekanligini aytdi
