Fransiyada Makronni prezidentlikdan chetlatilishini talab qilinmoqda

Fransiyaning "Tur, Fransiya" partiyasi rahbari Nikola Dyupon-Enyan prezident Emmanuel Makron hokimiyatdan chetlatilishi kerakligini aytdi.

Siyosatchi bu haqda X ijtimoiy tarmog‘ida ma’lum qilgan.

"Uni ishdan bo‘shatish hayotiy va shoshilinch masala" - deb yozgan Dyupon-Enyan.

Unga ko‘ra, Makron "Rossiya tahdidi" haqidagi tezisdan hokimiyatni saqlab qolish uchun foydalanmoqda va Fransiya fuqarolarining iqtisodiy ahvoliga salbiy ta’sir ko‘rsatmoqda.

Avvalroq, 5 mart kuni Fransiya prezidenti xalqqa murojaatida Yevropa Ittifoqini himoya qilish uchun yadro qurolidan foydalanish imkoniyatini muhokama qilish niyatida ekanini ma’lum qilgandi. Shuningdek, u Yevropa Ittifoqi davlatlarini mudofaa salohiyatini oshirishga chaqirdi.