Fransiyada 15 yoshli o‘quvchi maktab binosi oldida o‘qituvchini pichoqlab o‘ldirdi

Fransiyaning Nojan-syur-Marn shahrida 15 yoshli maktab o‘quvchisi maktab binosi oldida 31 yoshli o‘qituvchiga pichoq bilan hujum qildi. Hodisa bugun ertalab polisiya ta’lim muassasalarida xavfsizlikni yaxshilash uchun olib borayotgan sumkani tekshirish vaqtida sodir bo‘lgan. Hujumdan ko‘p o‘tmay ayol olgan jarohatlaridan vafot etgan.

Oliy Marn departamenti prefekturasining ma’lum qilishicha, fojia taxminan ertalab soat 8:15 da polisiya ko‘z o‘ngida sodir bo‘lgan. O‘smir nazorat punktiga yaqinlashganida bir necha marta pichoq urgan. Polisiya hujumchini tezda zararsizlantirishga muvaffaq bo‘ldi; qo‘lga olish chog‘ida huquq-tartibot idoralari xodimlaridan biri yengil tan jarohati olgan.

Maktabda 324 nafar o‘quvchi bo‘lgan, bino darhol o‘rab olingan, so‘ngra bolalarga psixologik yordam ko‘rsatilgan. Hujumchining maqsadi haqida hozircha hech narsa ma’lum qilinmagan.

Fransiya so‘nggi ikki oy ichida 6000 ta shunday tekshiruv o‘tkazib, 186 ta pichoqni musodara qildi va 32 talabani hibsga oldi. Tekshiruvlar yaqinda Parij yaqinidagi boshqa maktabda o‘smirning o‘limiga javob bo‘ldi.

"Nogentda farzandlarimizga qaray turib, bema’ni zo‘ravonlik qurboni bo‘lgan o‘qituvchi halok bo‘ldi. Xalq motamda, hukumat jinoyatchilikni kamaytirish uchun barcha sa’y-harakatlarini safarbar qilmoqda", deb yozgan Fransiya prezidenti Emmanuyel Makron.