Fransiya tashqi ishlar vaziri Ukrainani qo‘llab-quvvatlashda «qizil chiziqlar» yo‘qligini aytdi

Jan-Noel Barro BBC ga bergan intervyusida Ukraina «o‘zini himoya qilish maqsadida» Rossiyaga nisbatan frantsuz uzoq masofali raketalarini uchirishi mumkinligini aytdi, biroq fransuz qurollari allaqachon qo‘llanilganligini tasdiqlamadi.

«Prinsip belgilandi... Prezident Zelenskiyga qilgan xabarlarimiz yaxshi qabul qilindi», dedi u.

Fransiya prezidenti Makron Fransiya o‘z raketalarini Rossiyaga uchirilishiga ruxsat berishga tayyorligini bildirdi. Ammo Barroning izohlari muhim, chunki ular AQSh va Buyuk Britaniyaning uzoq masofali raketalari birinchi marta qo‘llanilganidan bir necha kun o‘tib kelgan.

Londonda Tashqi ishlar vaziri Devid Lammi bilan muzokaralar olib borgan Barroning aytishicha, G‘arb ittifoqchilari Ukrainaga qo‘llab-quvvatlashni cheklamasliklari yoki qizil chiziqlar belgilamasliklari kerak.

Bu hatto frantsuz qo‘shinlarining harbiy harakatlarda ishtirok etishini anglatishi mumkinmi, degan savolga u shunday javob berdi: «Biz hech qanday variantni istisno qilmaymiz».

«Biz Ukrainani qanchalik intensiv va qancha vaqt kerak bo‘lsa, qo‘llab-quvvatlaymiz. Nega? Chunki bizning xavfsizligimiz xavf ostida. Rossiya armiyasi har gal bir kvadrat kilometr oldinga siljiganida, tahdid Yevropaga bir kvadrat kilometr yaqinlashadi», - dedi u.