Suv ostidagi telekommunikasion kabellardan biri Citic Telecom kompaniyasiga, qolgan ikkitasi esa Elisa kompaniyasiga tegishli. Estoniya iqtisodiyot vazirligi xabariga ko‘ra, nosozlikning sababi hali noma’lum.
Estoniya bosh vaziri Kristen Mixal ushbu hodisa sababli hukumatning navbatdan tashqari yig‘ilishini o‘tkazishini e’lon qildi.
Avvalroq Finlyandiyadan Estoniyaga elektr energiyasini yetkazib beruvchi Estlink 2 kabelining uzilgani haqida xabar berilgan edi. Finlyandiyaning tarmoq kompaniyasi Fingrid bu hodisada sabotaj ehtimolini rad etmadi. Finlyandiya polisiyasi kabelning uzilgan joy yaqinida bo‘lgan kemalarni tekshirishni boshladi.
Yle ma’lumotiga ko‘ra, Gonkong bayrog‘i ostida suzayotgan Xin Xin Tian 2 konteyner tashuvchi kemasi kabelda uzilish bo‘lgan paytda vaqtda uning yaqinida bo‘lgan. Shuningdek, kabel yonidan Sankt-Peterburgdan Misrga yo‘l olayotgan Kuk orollari bayrog‘i ostidagi Eagle S kemasi ham o‘tgan.
Uchinchi jahon urushi aynan qayerda boshlanishi aytildi
Britaniya rekord miqdordagi askarini yo‘qotdi
Qodirov O‘zbekiston rahbariyatini "uyg‘onish qo‘ng‘irog‘i"dan ogohlantirdi
